السلام عليكم ورحمة الله وبركاته
يسعد الله أوقاتكم بكل خير وبركه
|| اللهم صل وسلم على رسول الله ||
تدوينة اليوم هو التدوينة اللي خبرتكم عنه قبل كم يوم على الانستغرام ،، وهو طريقتي في استخدام البلاك ماسك ( الماسك الاسود ) ،،
/
\
/
مرة في الانستغرام شفت وحده حاطه استفسار عن الماسك الاسود وين تحصله ومن ضمن الجواب للاستفسار في وحده كاتبه ما انصحج تستخدمية يعور *_^ ،، الجواب مول مول ما أعتبره أنه مقنع ،، يعور ؟؟؟
سوالي ..؟؟ استخدمتيه هل عورج لهدرجه ؟؟ ما حسيتي باي نتيجة لاستخدامج لنوعيه هـ الماسك ..؟؟ ما فكرتي انج ترجعي تستخدميه ؟؟ اشلون كان استخدامج لـ هالماسك ..؟؟
/
\
/
أنـــآ مــآآ بقولكم ما يعور ،، هو يعور اذا كان فيج شعر في ويهج ( اسمحولي على الشفافيه شووي ) الماسك يكون سائل وبعد فترة بيتحول الى بلاستيك فاكيد بيعور شوي بسبب الشعر ^_^
/
\
/
قبل ما ابدي واخبركم بطريقتي في استخدام الماسك الاسود فلازم اخبركم بفوائد الماسك الاسود للبشرة
• يمنح البشرة النضرة الصافية
• يعمل على اغلاق المسامات
• يتخلص من البثور والحبوب
• يتخلص من الجلد الميت
• يعمل على تامين حماية البشرة من خلال التخلص من السموم المتراكمة ويتخلص من الجراثيم
• يعمل على تنظيف العميق للبشرة
• يقضي على عيوب البشرة
• يحارب الشيخوخه
• الحصول على جلد مشدود
• ازالة الشعر (( الشعر الصغير اللي ما يبين )) هالماسك يشيله
• يغذي البشرة
فوائد هالماسك يخليج تستخدميه حتى لو في الشهر مرة ^_^ لان البشرة يحتاج للفوائد هالماسك ^_^
طريقتي في استخدام الماسك الاسود
أغسل ويهي بغسول مناسب لبشرتي ( تنظيف البشرة يكون بحركة دائريه )
الغسول على ويهي احط المقشر على كامل ويهي ،، سكراب سانت ايفز من احلى المقشرات اللي أحب أستخدمه ،، وعقب استخدم فرشاءة الويهه وبحركة دائرية على كامل الويهه وبعدهــآ اغسل ويهي
احط البخار على ويهي لمدة 7 دقائق عشان المسامات ويهي تتفتح وأهييئ ويهي لاستخدام هالنوعية من الماسكات
باستخدام الفرشاءة أحط الماسك على كامل ويهي لمدة نص ساعه او أكثر ،، أقل من نص ساعه ما انصحكم تحطونة لان ما بتحصلون على اي نتيجة
بعد نص ساعه اشيل الماسك بشويش من ويهي من تحت لفوق ...
وعقبهــآآ باستخدام القطن وماي ورد أنظف ويهي عشان اشيل باقي الماسك واسكر المسامات
أذا فاضيه وما عندي شغل احب احطي الماسكات الجاهزة عشان بشرتي تستفيد أكثر ،، فوائد هالماسكات لترطيب البشرة
اذا مستعيلة أكتفي بترطيب ويهي بالمرطب ،، وهالفترة استخدم هالمرطب من مجموعه جيجو البركانية من فيس شوب وبخبركم عنه في تدوينة ثانية باذن الله تعالى
النتيجة اللي أوصله
بشرة نظيفة ،، خاليه من الدهون والمسامات وبشرة مشدودة ،،
لا تنسو أحيو سنة التكبير
" الله أكبر .. الله أكبر .. الله أكبر ... لا إله إلا الله ،، الله أكبر .. الله أكبر .. الله أكبر .. ولله الحمد "
أستودعتكم الله الذي لا تضيع ودائعه
فمان الله في تدوينات يديدة باذن الله تعالى
|| سبحان الله وبحمده ||
![Pin It](http://pinterest.com/pin/create/button/?url=https://happycloudworld.blogspot.com/2018/08/my-planner-box-in-2018.html&media=https://blogger.googleusercontent.com/img/b/R29vZ2xl/AVvXsEg8rin5XbxSJbseLKrJnvqrQ3cTi_2ldgW1aziaDhGmyXTyYUwTIV9tuSMG9NQTn0v2oOh9KegUT8JDZeG8exuCwmHSoMonT1L3o8hNjyMHdCaAa7ejXuw-Afvmi2hov9oIAB2alRsbhlk/s72-c/front.jpg&description= اهلا هلا ،، يسعد الله أوقاتكم متابعاتي ،، " اللهم صل وسلم على رسول الله " ( بسم الله الذي لا يضر مع أسمه شي في الأرض...){kind=link}
![Pin It](http://pinterest.com/pin/create/button/?url=https://happycloudworld.blogspot.com/2018/08/html-color-codes.html&media=https://blogger.googleusercontent.com/img/b/R29vZ2xl/AVvXsEiRWPkSY-QvKqV3gIBDkt0akUvtIyfB3ej4aW7wUGO0aBoc1MTTdcbSnBEnicSOkcBMEmPP1KuMd8NAAY-EAR8gdZlP2jgdaV1L4N8ejwKzeNjDACdJ80SZlbZiQ-_Y1Ud4VaUnXB50eQw/s72-c/%25D8%25A7%25D9%2584%25D9%2588%25D8%25A7%25D8%25AC%25D9%2587%25D9%2587.png&description= السلام عليكم ورحمة الله وبركاته أهلا أهلا بصديقاتي ،، ومتابعاتي " اللهم صل وسلم على رسول الله " / \ / \ ما...){kind=link}