My Planner box in 2018

اهلا هلا ،،

يسعد الله أوقاتكم متابعاتي ،،

" اللهم صل وسلم على رسول الله "

( بسم الله الذي لا يضر مع أسمه شي في الأرض ولا في السماء وهو السميع العليم )

/

\

هالتدوينة كان المفروض اني أنزله لكم بداية هالسنه 2018 ،، بس ما صارت لي فرصه أني أكتب التدوينة أو أني أعدل الصور ،، والحينه يى الفرصه لي أني  أخبركم بتفاصيل البوكس اللي سويته للبلانر ،،،

\

/

كـــآن عندي بوكس لعطر ،، البوكس قديم من زمان زمان عندي ،، وهالمرة استغليته وخليته للبلانر والملصقات عشان ما أعسف الدنيا واحلى شي اني اقدر أشلة وين ما أروح في حجرتي ،، ^_^

\

/

\

اللي أحتجته في عمل هالبوكس ،، 

بوكس عطور قديم أو أي بوكس متوفر عندكم ،، كارتون ،، جلاد ،، مقص ،، كتر ( مشرط ) ،، قلم بنسل ،، ورق لاصق أبيض 

خطواتي لعمل بوكس البلانر

الخطوات مرة سهله ،،، 

أول شي اللي سويته هو أني غلفت الكتابه اللي على البوكس بورق لاصق عشان ما يبين عندي الكتابه اللي على البوكس ..( شوفو الصور )

قبل التغليف

ورق لاصق مقصص ومجهز للصق ( هالاوراق بالاساس من شغل عملي في تصميم الثيمــآآت أنا كنت مجمعتنه لشغلات ثانية فــآحتجته أهني )

بعد ما لاصقة (( طبعا تلصيقي كان عشوائي بس عشان أخفي الكتابه اللي على البوكس ))

بعدين شلت الجلاد وخذيت القياسات من داخل وبرع .. 

أثناء التجليد وبعد ما أخذت القياسات 

واهني غلفت البوكس من داخل *_*

الحينه باخذ قياسات الفواصل من الداخل ،، كنت أبغي واحد طويل و2 صغار عشان أقسمه فاحتجت الى 

مسطرة ،، مقص ،، كتر ( مشرط ) ،، قلم بنسل ،، كرتون 

 بعد ما أخذت القياسات وقصيته وجهزته ،،

بعد ما أخذت قياسات الكارتون ،، أخذت قياس الجلاد عشان اغلف الكارتون 

بعد ما غلفت الكارتون بالجلاد

بعدين استخدمت لصق المسدس عشان الصقه داخل البوكس

الشكل اللي وصلت له داخل البوكس

الشكل النهائي لبلانري لسنة 2018 وربي يجعله سنه خير علينا وعليكم يا رب ويحقق لي ولكم مبتغانا لما هو خير لنا 

استودعتكم الله الذي لا تضيع ودائعه

فمان الله