مقشر الدلع

السلام عليكم ورحمة الله وبركاته

يسعد الله أوقاتكم بكل خير وبركة وطاعة الله تعالى

|| اللهم صل وسلم على رسول الله ||

@@ بسم الله الذي لا يضر مع أسمه شي في الأرض ولا في السماء وهو السميع العليم @@

ويا هلا وسهلا بالبنات السنعات

واللي يحبون يدلعون عمارهم ،، 

اليوم بخبركم بطريقة عمل مقشر 

هالمقشر استخدمته من فترة

المقشر وايد وايد حلوو 

خاصه ان بنستخدم نوع من أنواع ملح الحليب

استكشفت هالمقشر من فترة ،، وبديت بتجربته مع 3 أنواع من ملح الحليب .. اول تجربه لي كان بـ ملح الحليب بالليمون اذكر اني ترست الملح بالزيوت ههههه وكان الزيت اكثر من الملح نفسه لوووول 

وثاني تجربه لي كان بـ ملح الحليب بالتوت شوو ما كان حلوو وريحته كانت رهيبه

والتجربه الثالثه كان بـ ملح الحليب بالزبادي ،، حبيت فيه التقشير والنعومه اللي يعطيني بس ما فيه ريحته بعكس التوت .. 

واكتشفت هالمقشر من خلال تجربتي مع نوع من انواع المقشرات اللي كنت ماخذتنه من تايلند

وكتبت عنه في الانستغرام .. ( هنــــآآ )

طبعــآآ أنــآآ سويت من قبل هالمقشر وعندي مقشر ثاني بـ ملح الحليب 

هالمقشر ريحته ريحه ملح ،، يمكن الريحه يغث شووي .. ريحه الملح مرة طاااغي 

انــآآ خليته في علبه لان كان مضغوط وما يطلع لي فأضطريت اخليه في علبه عشان استخدمه .. وشوفو قوامه اشلووون 

اذكر اني سويت له تصويت في الانستغرام عشان القوام فبعضهم قال ان مافي فرق وبعضهم قال في فرق .. يمكن عشان الصورة كان من الفون

والتصوير اللي في التدوينة بالكاميرا ،، انا عن نفسي ما اشوفه مافي فرق .. 

زووووم 

المهم نرجع لمحور حديثنا مع مقشر الدلع

سميت هالمقشر بـ هالاسم بس لان بالفعل المقشر بالنسبة لي دلع * دلع ..

المكونات متوفر في كل بيت ،، ومن المكونات اللي دوم نستخدمه ما عدا ملح الحليب ،، طبعا في كذا نوع بتحصلونه في بعض المحلات واللي حابه تطلبه مني متوفر في متجري الصغير ( هنـــآآ )

اللي بنحتاجه لعمل هالمقشر ..

علبه فاضيه

ملح الحليب بالزبادي او اي نوع من املاح الحليب

زيت الجلسرين

زيت اللوز الحلو

زيت الحلو المر

زيت فيتامين e ( اختياري )

زيت المشمش 

شاور جل ( اي شاور جل متوفر معاج أهم شي يكون ريحته حلوه وانتي تحبينه ) أنــآ هنا استخدمت شاور جل سانت ايفز

نص فنجان ماي 

وعشان تعرفون فوائد هالزيوت شوفو هالتدوينة عن ( الزيوت ) 

والحينه نيي لــ

طريقة عمل المقشر

في وعاء نظيفه نخلي نص من ملح الحليب بالزبادي 

وبملعقه صغيرة نضيف كل الزيوت 

زيت الجلسرين

زيت اللوز الحلو

زيت الحلو المر

زيت فيتامين e ( اختياري )

زيت المشمش 

قبل الخلط

بعد ما خلطتهم مع بعض 

زووووم للمقشر

الحينه نجيب نص فنجان ماي + شويه من شاور جل .. اي نوع انتي تحبينه 

ركوز على الفنجان اشلون حطيت فيه الشاور جل وخلطتهم مع بعض واسكبه على المقشر

بعد ما خلطت الشاور جل مع ملح الحليب ( شوفو قوامه اشلون صار )

زووووم للمقشر

 اخر شي نخليه في علبه فاضيه .. 

طريقة استخدام المقشر 

تاخذين دوووش دافي 

وعقب وزعي المقشر على البودي كااامل ،،

انتظري من دقيقتين الى 3 دقائق 

وابدي بالفرك بحركة دائرية ،، من تحت الى فووق ،،

المقشر ما يحتاي انج تستخدمين اي ليفه 

وعقب كملي الشاور مع المجموعه اللي تحبيه من شاور جل وعطر وكريمااات 

وشوفي اشلوون بتحبين روحج بعدين *_*

بالمناسبة .. اخر مرة استخدمت هذا Roes SPA وحبيته للمقشر .. وبرجع استخدمه مرة ثانية وبشوف اشلون معاه
واذا شفته اوكي برجع اوفره في متجري الصغير 

في الختام

لا تنسون ذكر الله

|| سبحان الله وبحمده || 

استودعتكم الله الذي لا تضيع ودائعه

فمان الله