مشترياتي من محل gratis بـ تركيا

السلام عليكم ورحمة الله وبركاته

" اللهم صل وسلم على رسول الله "

" بسم الله الذي لا يضر مع أسمه شي في الأرض ولا في السماء وهو السميع العليم "

.

.

.

من قبل كم سنة روحت تركيا الحمدلله رب العالمين

وهالسنة وبفضل ربي رزقني بسفرة ثانية لتركيا والحمدلله على كل حال من الأحوال

2016 ما صورت مشتريات تركيا لاني كنت مشغوله في الجامعه وكنت اخر سنة ومشغوله بمشروع التخرج

هالسنة قلت لازم اصور لكم مشتريات تركيا وقسمته لـ كم جزء عشان تستمتعون وما تملون 

ببدء بأول بارت اللي هو مشترياتي من محل gratis بـ تركيا

هالمحل اول ما شفته في 2016 عشقته عشق الود ودي ايلس واتعمق في كل ركن من اركانه

وهالسنة دخلته بس ما كان نفس المنتجات اللي شفته واخذته في 2016 لان كنت مخليه في بالي ارجع واخذ من الاشياء اللي كنت ماخذتنه قبل ،،، 

الموهيم المحل متنوع في كل شي تحتاجونه وعندهم منتجات صغيرة للسفر .. منتجات البشرة والشعر ومكياج وغيرها

الموهيم اذا فكرتو ترحون تركيا لا تفوتنه

انا دخلت كم فرع وكل فرع في منتجات غير عن الفروع الثانية وفي منتجات نفسهم .. 

الحينه بخليكم مع مشترياتي البسيطة اللي اخذتهم من هالمحل ... ( الحمدلله الذي رزقني هذا من غير حول مني ولا قوة ،، الحمدلله )

اخذت هالكريمات الميني ينفع لل هاند باج

ومن متى خاطري اجرب مقشر القهوة من شفته اخذته عشان اجربه وبخبركم بتجاربي مع المنتجات من ببدء اجربهم ...

مدري شو ياني ما قدرت اقاوم الشاور جل من عندهم واخذت 3 انواع 

بسلم للشعر بس حجمه نتفه لا يغركم الصورة مبين انه كبير ^_*

عطر الجسم سالفته سالفه زين لحقت واخذت لي وحق اختي ،، 

وهذا مقشر القهوة بس بعدني ما عرفت شو الفرق بين الاثنين من بجربهم بخبركم عنه باذن الله تعالى

هالزيت  للشعر اخر يوم شفته جدامي واخذت لي لان من زمان ادور عليه وما محصلتنه وحصلته في هالمحل

وكنت ادور على باليت شادو الوانه خفيفه وحلوه فـ شفت هالباليت وقلت يالله بنشوف شو اخباره وبعدني ما جربته ولا فتحته ان شاء الله تعالى اسوي لكم سواتش عنه

اخذت لي كم نوع من الماسكات المرطبه للويهه 

والحمدلله رب العالمين الذي رزقني كل هذا من غير حول مني ولا قوة

تذكري يا اخيتي ان بالحمد تدوم النعم ولا تنسي تحمدي الله وتشكريه في كل حين وساعه

استودعتكم الله الذي لا تضيع ودائعه

فمان الله 

Read More

happycloudworld

Share Tweet Pin It +1

0 Comments

طريقة ترتيب اغراضي الشخصيه في السفر

السلام عليكم ورحمة الله وبركاته

يسعد الله أوقاتكم بكل خير وبركة وطاعه الله تعالى

" اللهم صل وسلم على نبينا محمد "

اللهم ارفع عنّا البلاء والوباء وبلغنا رمضان

ونحن في أتم الصحة وعافية يارب ..

🤲🏼 اللهم اكشف ماحل بنا وأرفع عنا ما نزل بنا واصرف عنا الوباء والبلاء، اللهم إنا نعوذ بك من زوال نعمتك وتحول عافيتك وفجاءة نقمتك وجميع سخطك🤲🏼

.

.

.

تذكرون مرة قلت لكم ع الانستا اني صورت تدوينة بس التصوير خاني .. طلعت بكم صورة تصويره حلو نوعا ما

المهم التدوينة اللي كنت ابي اكتبه لكم و اوصل لكم الفكرة في طريقة ترتيب اغراضي الشخصيه في السفر ...

بس ما هان علي تعبي وتصويري وقلت بسدحه احسن لي اهم شي اقدم لكم شي مفيد يمكن يفيد حد ما يعرف الطريقة ^_^

الموهيم

هالطريقة انا اتبعه من زماان يمكن الحينه 9 سنوات اذا ما خاب ضني 

العلب قبل ما كان منتشر وايد ،، يعني نادرا ما تحصلينه اذكر اول بوكس العلب الفاضيه كنت اخذهم من H & M بصراحه علبهم بطله لين اليوم انا استخدمهم ..

لا مختربين ولا شي .. حتى سهلين ف التنظيف عكس العلب الثانيه من ثاني استخدام يبدء يختربون 

كمثال 

هالعلب انا ماخذتنه اخر مرة من سنتربوينت ( لايف استايل ) بس ما استخدمتهم اخذتهم كـ أحتياط اذا نقصني علب فـ بيكون معاي

وهذول العلب اللي استخدمتهم ومتوفرين معاي من قبل من أماكن مختلفه ( اتش اند ام ولايف استايل ودايسو )

احتجت لـ مقص وقلم ازرق و ورق استيكر عشان اكتب على العلب وعشان ما اتلخبط ^_^

الفكرة اني اعبي من المنتجات اللي استخدمهم ولا استغني عنهم 

الصورة النهائية

الحلو في هالعلب تخلينهم في شنطة صغيرة وما ياخذ مكان وايد في الشنطة ^_^ 

والفكرة اللي ابي اوصله لكم هو طريقة استخدام العلب في تعبئة منتجاتكم الشخصيه عشان يوفر لكم مكان في الشنطة 

في ختام هالتدوينة

اذكروني بدعوة طيبة

استودعتكم الله الذي لا تضيع ودائعه

في حفظ الرحمن

" سبحان الله وبحمده"

Read More

happycloudworld

Share Tweet Pin It +1

0 Comments

توزيعات ماسك العيون

السلام عليكم ورحمة الله وبركاته

يسعد الله أوقاتكم بكل خير وبركة وطاعة الله تعالى

" اللهم صل وسلم على نبينا محمد"

" بسم الله الذي لا يضر مع أسمه شي في الأرض ولا في السماء وهو السميع العليم"

من فترة 

طرى في بالي فكرة يديدة للتوزيعات

هو توزيعات ماسك العيون من باندا ..

حبيته ان يكون وايد بسيط ونفذته لثيم مواليد 

اترككم مع تفاصيل التوزيعات

وعشان تشوفون صور أكثر من ( هنـــآآآ )

ختاما

لا تنسون ذكر الله

" سبحان الله والحمدلله ولا إله إلا الله والله أكبر"

لا تنسوني من دعواتكم الطيبه

غيمة سعيدة

Read More

happycloudworld

Share Tweet Pin It +1

0 Comments

منتجات طاح ف جبدي

السلام عليكم ورحمة الله وبركاته

يسعد الله أوقاتكم بكل خير وبركه وطاعه الله تعالى

.

.

.

" اللهم صل وسلم وبارك على نبينا محمد "

" بسم الله الذي لا يضر مع اسمه شي في الأرض ولا في السماء وهو السميع العليم "

.

.

.

تدوينة اليوم شوي غير عن التدوينات اللي متعودة أكتبه ،، في منتجات اشتريتهم ومنتجات ميوب لي وطاح في جبد جبدي لان ما ناسبني ،،

فقررت أكتب تدوينة عنه ،، ( في منتجات نسيت اصورهم وتذكرتهم بعد ما خلصت تصوير >>> شكلي بخليهم في تدوينة يديدة "

قبل ما ابدي التدوينه حبيت اذكركم بمقوله

لولا اختلاف الأذواق لبارت السلع !!

لان بالفعل لولا اختلاف اذوقتنا لبارت السلع 

الشي اللي يعجبني واحبه يمكن غيري ما يحبه

والشي اللي غيري عاشقنه يمكن انا ما احبه ولا اتقبله 

كل شي اكتبه لكم في مدونتي انا مجربتنه وفي منتجات احبه وارجع اشتريه مرة ومرتين وفي منتجات من يخلص ما ارجع اشتريه

وفي منتجات طاح ف جبدي لان ما عجبوني 

بالعادة الكريمات اسويلهم اعادة تاهيل اخلطه مع كريمات ثانية واتقبل ريحته ،، بس هالتدوينة صورته عشان اخبركم عنه 

ويالله بسم الله نبدي مع تدوينة يديدة لمنتجات طاح ف جبدي

أمواس دايسو 

ما عجبني لانه وايد حاد ،، 

*****

مناديل لازاله المناكير ،، وايد احبه وشي اساسي يكون معاي لان فيه زيوت يرطب الاظافر بس هالنوعيه ما عجبوني ولا استقدت منهم 

******

كريم اساس وبودة ميبلين ومرطب الشفايف من vlcc

كريم الاساس اخذته غامق عن لوني ما حبيته

بودرة ميبلين ذكرني ب بودرة مكياجي ما ناسبني

مرطب الشفايف من VLcc ما عجبني طووول ^_^

*****

كريم باندا وكريم الايدين بالموز

ريحته الموز ما قدرت اتقبله 

ومرطب باندا لليدين ثقيل شوي 

*****

خلاص من بعد هالاثنين اقدر اقول ان انا ما صار يناسبني اي ديورنت ( هالاثنين هم السبب في سواد المنطقه اللي يالسه اعالجه الحينه )

****

بلاك ماسك كنت ماخذتنه من اذربيجان 

مافي منه اي فايدة زيادة عدد وخسارة فلوس

والقهر ان يابس كل ما افتح كيس القيه يابس 

وفي كيس على حظي كان مشي الحال واستخدمته وطلع ما حلو ولا نظف لي منطقة الانف

*****

تذكرون مشتريات السعودية لمشاهدة التدوينة من (هنـــآآآ)

كنت ماخذه هالكريمات من مكياجي

ريحتهم حلوة بس يكتمون فـ برجع اعيد تاهيلة مرة ثانية بكريمات وعطورات لين ما اوصل حق اللي ابغيه

*****
مقشر الرجلين من اكستريم

تعرفون ريحة الادول .. هذا يذكرني فيه ،، ما قادرة اتقبل ريحته 

****

هالكريم من موروكان اويل .. حابه ريحته ،، لونه اخضر فما قدرت اتقبل لونه وصعب يتوزع فـ بعيد تاهيلة مع كريم ثاني

****

ماسك الشعر بالرمان 

ما حبيته ولا ناسبني

****

زيت الشعر وسيروم للشعر من MANE Tail

ما ناسبوني 

وبكذا خلصت تدوينتي

لا تنسوني من دعواتكم الطيبه

الحمدلله الذي رزقني هذا من غير حول مني ولا قوة

اشوفكم على خير

استودعتكم الله الذي لا تضيع ودائعه

فمان الله 

Read More

happycloudworld

Share Tweet Pin It +1

0 Comments