شوية مشتريات وتجاربي مع المنتجات

 

السلام عليكم ورحمة الله وبركاته

يسعد الله أوقاتكم بكل خير وبركة وطاعه الله تعالى

" اللهم صل وسلم وبارك على نبينا وحبيبنا وشفيعنا محمدا عليه أفضل الصلاة وأزكى التسليم "

اهلا اهلا يا حلوات 

في تدوينه يديدة من تدويناتي وهالمرة اخترت التدوينة يكون عن شوية مشتريات وتجاربي مع المنتجات

المنتجات في منتجات من زمان استخدمهم وفي منتجات يديدة اول مرة استخدمهم ..

وبسم الله نبدأ

كريم تفتيح للمنطقة الحساسة من دكتور راشيل .. بفيتامين سي .. المقشر اخذته لاني متبعه عناية من فترة وحابه

اني اكلمكم عنه بالتفصيل الملل بعد ما اشوف نتايجة .. 

قبل كنت استخدم لترطيب المنطقة الحساسة سودو كريم مع زيت اللوز الحلو ،، وهالمرة غيرت واخترت الكريم وبشوف شو اخباره

بعد ما اخلص العلبه

***************

جل سوكس شفته من فترة الناس هابين عليه وكان خاطري اجربه واخذته عشان اجربه بس حسيته جدا عادي

بس بعدني بجربه وبعطيه حقه فالاستخدام

***************

قفاز الاستحمام احب بين فترة وفترة اخذه من اماكن معينه احيانا اخذه من رد تاغ او ماكس او بودي شوب .. وهالمرة اخذته من ماكس

لان من الاشياء الاساسية معاي ولازم يكون معاي خاصه يوم استخدم الصابونيات

***************

ماي ورد بالمر من كويت شوب 

من استخدمته ما ودرته وايد وايد حلوو

وخلوني اخبركم عن فوايدة للبشرة :

يساعد على شد الوجه وياخر ظهور علامات التقدم في السن

يعمل على تنعيم وترطيب البشرة

يعمل على تفتيح وتوحيد لون الويهه

يتخلص من البقع الداكنة والتصبغات التي يظهر على البشرة

يعمل على غلق المسامات ويطهره ويعقمه

يمنح الويهه النظارة والحيويه 

ويتخلص من مظاهر التعب والارهاق لانه يحتوي على المواد المغذية للبشرة

***************

ملح الحليب وعاد انا والاملاح ربع وايد احب مقشرات الاملاح

وهذا ثاني تجربه لي لمقشر الاملاح ريحته حلوه تروقني 

***************

وعاد الشيت ماسك ما استغني عنه ولازم يكون مع كل بنت وهالمرة اخذت من دكتور راشيل وبجربه وبخبركم عنه

تقدرون توصلون لتجاربي لـ شيت ماسك من هاش تاق  #غيوم_شيت_ماسك في الانستا

***************

هـ الكماليات اللي كان ناقصني واخذته ليفة للحمام المغربي ومبرد للاقدام 

الليفة مب اول مرة استخدمه اما المبرد اول مرة استخدمه

***************

معجون الاسنان من اخذته من تايلند صرت ما استغني عنه يحتوي على القرفه بس ما يبين ^_*

***************

ومن المقشرات اللي مستحيل استغني عنه ملح الحليب احب استخدمه يوم اسوي حقي مقشرات في البيت

يعني منتج اساسي من المنتجات اللي يخلص معاي ارجع واخذ منه 

ختاما

اتمنى وفقت في طرح هالتدوينه

ولا تنسون تتابعوني على الانستا من " هنـــآآ "

استودعتكم الله الذي لا تضيع ودائعه

فمان الله