مشترياتي من The Body shop

السلام عليكم ورحمة الله وبركاته

يسعد الله أوقاتكم بكل خير وبركة وطاعة الله تعالى

" بسم الله الذي لا يضر مع أسمه شي في الأرض ولا في السماء وهو السميع العليم "

" اللهم صل وسلم وبارك على نبينا وحبيبنا وشفيعنا محمدا عليه أفضل الصلاة وأزكى التسليم "

ويا مرحبابكم مع تدوينة يديدة من تدويناتي ،،

واتمنى ان يكون مفيد لكم ..

وبخبركم باخر مشترياتي من 

The Body shop

وهالمرة تسوقت من بودي شوب فرع الهند .. بصراحه

تخبلت على اسعارهم لان وايد وايد فرع عن اسعارنا وخذيت لي كم شغله انا مجربتنهم من قبل 

وحبيت ارجع واخذهم وفي كم منتج يديد علي وبخبركم بتجاربي باذن الله تعالى في الانستا ...

الموهيم خلوني الحينه اخبركم شو أخذت 

(1)

أنا والمسك ربع وااايد وااايد احب المسك .. من شميت هالعطر تخبلت عليه وأخذته

مكتوب انه للرجال .. بس أخذته ريحته روعه

(2)

Japanese Cherry Blossom وايد احب ريحته .. ومجربه من قبل الكريم وهالمرة اخذت العطر

ريحته حلوه وباردة 

(3)

وهل يخفى هالماسك ،، ماسك الشاي الاخضر ،، قطعوه فترة ورجعوه واخذته من هناك

اللي بشرتها دهنيه انصحها في هالماسك .. 

(4)

Japanese Cherry Blossom

هالكريم من يخلص من عندي ارجع اخذه من الكريمات اللي وايد احبه 

ريحته حلوه وبارده ،، والاحلى من هذا كله البشرة يمتصه بسرعه 

(5)

شاور جل بالورد ،، خبرتكم عنه من قبل كنت مجربه المجموعه كامله 

اللي تبي تشوف تجربتي مع هالمجموعه من هنـــآآآ

وهالمرة بس اخذت الشاور جل ،، وصار من مفضلاتي ..

(6)

هالشاور جل اول مرة اخذته بعدني ما جربته ،، ان شاء الله من اجربه اخبركم برايي عنه

***************

" اللهم لك الحمد ولك الشكر على جميع نعمك الذي انعمته علي وعلى عبادك الصالحين "

" الحمد لله رب العالمين "

ختاما 

لا تنسوني من دعواتكم الطيبة

واشوفكم على خير في تدوينات يديدة

فمان الله