مشترياتي من DM فـ ألمانيا

السلام عليكم ورحمة الله وبركاته

يسعد الله أوقاتكم بكل خير وبركة 

وطاعة الله تعالى 

" اللهم صل وسلم وبارك على نبينا وحبيبنا وشفيعنا محمدا عليه أفضل الصلاة وأزكى التسليم "

" بسم الله الذي لا يضر مع أسمه شي في الأرض ولا في السماء وهو السميع العليم "

الحمدلله حمدا

الحمدلله شكرا 

الحمدلله دائما وابدا

الحمدلله والشكر لله على نعمه الذي لا يعد ولا يحصى

بالحمد يدوم النعم

تعرفون أني أفرح يوم أشوف تدوينات المشتريات من الاماكن والبلاد اللي روحته في البوبلك بوست أفرح وايد .. يعني بالفعل في ناس مستفيدة من هالتدوينات وتبي تعرف عن المحلات في البلاد اللي هم بيروحونه ..

اللي يتابعوني على السناب جات والانستغرام بيعرفون اني رحت المانيا

الحمدلله رب العالمين غيرنا جو شوي ومن المحلات اللي حبيته في المانيا

هالمحل DM المحل مودي يبيعون فيه منتجات العنايه بالبشرة والمكياج واسعارهم جدا مناسبة وعاد خذيت لي كم شغله وبخبركم عنه ...

خذيت هالست .. عباره عن ملح وزيت وشاور جل للاستحمام ،، طبعا متحمسه وايد أني أجربه وأخبركم عنه ...

وأنا والمقشرات ربع ،، خذيت هالمقشر .. ما أعرف شو أخباره لازم أترجمه عشان اعرف شو مكونات المقشر

زيت الشعر .. ريحته وايد حلوة وماسك للشعر بعدني ما جربته

خذيت هالشاور جل باللوز والخوخ .. ما عجبني وايد لان رغوته جدا خفيفة

خذيت هالزبدة للجسم 

وخذي هالموس للمنطقة الحساسة .. روعة ،، روعه ،، روعه اللي بتروح المانيا لازم تاخذه وتشحن لها لان بالفعل من الامواس اللي انصحكم فيه

وسيروم الشعر من غارينية .. مجربتنه من زمان وانقطع من عندنا وحصلته عندهم وأخذته .. حلو وريحته حلوه وانصحكم فيه ...

واخيرا : خذيت هالعطرين .. ريحتهم حلوه ..

طبعا في بديت استخدمهم وفي منتجات بعدني ما بديت استخدمهم 

وان شاء الله أخبركم عن تجاربي مع المنتجات في الانستا ..

ختاما 

الحمدلله حمدا كثيرا مباركا ،، اللهم يدمه من نعمه ويرزقنا من فضله

ولا تنسون تتابعوني في السناب جات

فمان الله