حلى الكاسات بالشوكلت والحليب المحلى

السلام عليكم ورحمه الله وبركاته

يسعد الله أيــآآمكم بكل خير وبركه وطـــآعه الله تعالى

]  بسم الله الذي لا يضر مع أسمه شي في الارض ولا في السماء وهو السميع العليم [

•

•

•

حلى الكاسات بالشوكلت والحليب المحلى 

ما عرفت شو اسمي التدوينه .. فسميته ب هالاسم  

هالسويت سويته مره وحبيته لان فيه السكر بكميه قليله عكس السويت اللي دائما أسويه .. 

يتكون من 3 طبقات .. 

مكونات السويت اللي متداوله وأشوف اغلبهم بنفس المكونات بس يا انهم حاذفين مكون او ضايفين مكون .. 

وانا ما شاء الله علي >>>> امدح نفسي شوووي لوووول زيدت مكون .. وهالمكون هو اللي قلل من كميه السكر فيه .. لان نفس هالمكونات سويت السويت كان سكري شوي بس طعمه حلووو .. بنزله لكم هالسويت ف تدوينه ثانيه 

 ما صورت كل شي .. بس صورت الشكل النهائي بس بخبركم بالطريقه بالتفصيل عشان المبتدات فالطبخ نفسي >>> تعترف انها ما تعرف تطبخ لوووول ... تفهم علي اما الشاطره بتفهم وما تحتاج تتعلم <<< لووول

الموهيم بسني هذره >>> زين اعترفت اني وايد تكلمت ههههه 

مكونات هالسويت كالتالي :

|| ~•~ الطبقه الاولى ~•~ || 

❀ نص علبه حليب مركز

❀ قشطه

❀ كيس دريم ويب 

❀ نص حليب طازج  .. او حليب نيدو مع الماي .. انا سويت حليب نيدو مع الماي .. نص جلاص ..

❀ بسكوت .. بس تكوني مفتتنه .. بيكون 1 ملعقه كبيره او 2 ملعقه كبيره على راحتج انتي كم تبين 

❀ 6 حبات جبن كيري او جبن المثلثات اللي متوفر عندج ... لان الاجبان كلهم يوفون بنفس الغرض 

|| ~•~ الطريقه ~•~ ||

كل المكونات تخلينه في الخلاط وعقب صبيه في الكاسات مع مرعاه انج تخلين شوي من هالطبقه للطبقه الثالثه .. 

|| ~•~ الطبقه الثانيه ~•~ ||

❀ بسكوت >> اي بسكوت متوفر عندج .. دايجستف او ماري .. اي بسكوت انتي تُحبين تسوينه ... هذا هو البسكوت بعد ما فتته 

|| ~•~ الطريقه ~•~ || 

البسكوت اللي فتتيه في الطبقه الاولى الحينه خلي منه في هالطبقة .. 

|| ~•~ الطبقه الثالثه ~•~ ||

❀ نص جلاص حليب .. شرحته في الطبقه الاولى 

❀ قشطه 

❀ بسكوت .. بس تكوني مفتتنه .. بيكون 1 ملعقه كبيره او 2 ملعقه كبيره على راحتج انتي كم تبين 

❀ و 1 ملعقه كبيره  او 2 ملعقه كبيره شوكولاته بودر .. اختياري كم ملعقه اللي انتي حابه تضيفي فيه 

❀ باقي الخليط الطبقه الاولى 

|| ~•~ الطريقه ~•~ ||

نضيف في الخلاط باقي الخليط + مكونات الطبقه الثالثه ونصبه في الكاسات

هذا هو الشكل النهائي للحلى 

>> انتهى ^_^ <<

❤️  •••<<•••>>•••<<•••>>•••❤️

فالنهايه 

لا تنسون ذكر الله 

{ سبحان الله والحمدلله ولا إله إلا الله والله أكبر } 

{ اللهم صَل وسلم على رسول الله }

{ اللهم لك الحمد والشكر على كل النعم الذي أنعمها علينا وعلى عباده الصالحين } 

ونلتقي في تدوينه يديدة اذا شاء الله تعالى

وهمسه لهواه النقل .. اني ما اسمح بنقل الموضوع بدون ذكر المصدر

تدوينه bent aldyra

استودعتكم الله الذي لا تضيع ودائعه

فمــآآن الله