مصحح المكياج والبديل له

السلام عليكم ورحمه الله وبركاته

يسعد الله أوقاتكم بكل خير

" اللهم صل وسلم على رسول الله "

ويــآ هــلــآآ ومرحبـــآبكم في مدونتي ،،

وحي الله فيكم صبايــآآ ^_^

/

\

/

\

 

يوم نخلي الميكاج ،، لازم نخرب ولو شي بسيط .. خـــآصه أول الصباح اذا كنتي مستعيلة للدوام .. ويــــآ كثر الاشياء اللي لازم يخرب ... وايلسي وعدلي وصلحي مكياجج ...

أنــــآآ اكثر شي اللي يصير لي من المسكرة لازم لازم يخترب علي يكون أكون مستعيلة لوووول ...

والحل يكون بـ مصحح المكياج ...

 

أتذكر أول ما شريته كـــآن لعرس أخووي ،، عشان اصحح المكياج وجي يعني وقلت بستفيد منه .. مــآ بقول ما استفدت منه استفادتي منه بسيط جدا .. بالنسبه لي صار خسارة فلوس لان لو كنت أعرف أن في بدائل حقه مـــآ بشتريه .. لو كنتي مبتداء في الميكاج أنصحج ما تشترينه ،، لاني بعطيج طريقة يغنيج عن مصحح المكياج ...

المصحح اللي أنـــآ مجربتنه من مكياجي

 

هذا من جهه اللي تصلحين عقب مــآ تخلصين امسحيه بالمنديل وفي 3 روؤس غيرهم تقدرين تغيرينه ...

وفي ماركـــآت ثانية مثل ايلف 

 

وعقب ما تعلمت المكياج وتميت اتعمق فيه .. عرفت البديل للمصحح اللي هـــو ... مزيل المكياج + قطن الأذن ... 

 

أول شي تمسحين المكـــآن اللي غلطتي فيه وعقب تصلحينه بالكونسيلر ... فكرته نفس فكرة المصحح .

عقب في وحده من البنات ربي يجزيهــآ كل خير ... في حسابي القديم عرضت الفكرة ،، والموضوع مقارب لـ هالموضوع .. قالت لي صلحي الخطا باستخدام قطن + الكونسيلر .. ما بترجعين تسوين كونسيلر في المكان اللي صلحتي بالمصحح ..

 

بالفعل هالخطوة من اخرب شي اصلحه بالكونسيلر وما أخرب شي ولا أضيف شي ... الطريقة صارت سهله ومـــآ يبيلهـــآ شي ...

اتمنى وفقت في هالتدوينة

أشوفكم على خير

" سبحان الله وبحمده ،، سبحان الله العظيم " 

فمـــآن الله