السلام عليكم ورحمة الله وبركاته
يسعد الله أوقاتكم بكل خير وبركة وطاعة الله تعالى
|| اللهم صل وسلم على رسول الله ||
@@ بسم الله الذي لا يضر مع أسمه شي في الأرض ولا في السماء وهو السميع العليم @@
/
\
/
ومرحبابكم مع تدوينة يديدة من تجاربي مع 13 منتج خلصته هل برجع أشترية أو لا
لمشاهدة موضوع ريفييو لــ ( 16 منتج ) خلصته هل برجع أشتريه أو لا ،، رأيي وتقيمي للمنتجات || من هنــآآ
.
.
.
اليوم بكمل معاكم مثل هالمواضيع الحلوة والمفيدة ،، وان شاء الله تستفيدو من تجاربي مع المنتجات
Ω•Ω•Ω•Ω•Ω•Ω•Ω•Ω•
منتج رقم (1)
عبارة عن سكراب بالورد ،،
أخذته من تايلند ،، تقدرون تشوفون موضوع مشترياتي من تايلند والمحل اللي أخذت منه هالسكراب ( هنـــآآ ) ،، بس نوعيه هالسكراب ما تحسينه يكون ثقيل فيه شاور جل يساعدج على عمل السكراب ،، ريحته شوي غثني بس كترطيب عجبني ،، هل برجع أشتريه ؟؟ بصراحة أذا دق فـ راسي اعطيه 8/10
Ω•Ω•Ω•Ω•Ω•Ω•Ω•Ω•
منتج رقم (2)
من مشتريات تايلند أخذته من صيدلية ،، لمشاهدة المشتريات ( هــنـــآآ )
عبارة عن شاور جل مع سكراب خفيف بالفراولة ،، ريحته حلو وترطيبه حلوو
هل برجع أشتريه ؟؟ مممم يمكن هيه ويمكن لاا .. أعطيه 8/10
Ω•Ω•Ω•Ω•Ω•Ω•Ω•Ω•
منتج رقم (3)
ملطف الجو بالافندر من شركة frbreze
الملطفات حلوة ريحته بسرعه يطير ،، حبيت ريحته بس ما برجع اشتريه لاني أحب التغيير .. خاصة في ملطفات الجوو ..
Ω•Ω•Ω•Ω•Ω•Ω•Ω•Ω•
منتج رقم (4)
لصقات الانف بالصبار ،، وااايد واايد حبيته يشيل الرواسب والروؤس السودة ،، أخذته من تايلند وموضوع المشتريات ( هنـــآآ ) هل برجع أشتريه ،، هيه برجع أشتريه وانــآ مغمضة لان من الالصقات اللي ما استغني عنه .. اعطية 10/10
Ω•Ω•Ω•Ω•Ω•Ω•Ω•Ω•
منتج رقم (5)
صابون لايف بوي ،، من الصوابين اللي ما أستنغني عنه ،، وفيه كمية ترطيب أعطيه 10 /10
Ω•Ω•Ω•Ω•Ω•Ω•Ω•Ω•
منتج رقم (6)
ماي ورد ،، غني عن التعريف ،، احب استخدمه كتونر ليلي او للماسكات ،، هالماي ورد أخذته من تركيــآآ سعره مكتوب عليه 25 ليرة .. كميته راهيه تم معاي فترررة طووويلة ..
هل برجع اشتريه اذا حصلته بسعر حلوو برجع أخذه لان عجبني وايد للماسكــآت اعطيه 9/10
Ω•Ω•Ω•Ω•Ω•Ω•Ω•Ω•
منتج رقم (7)
زيت مساج الزيتون من ديرموفياا ،، اللي مستغربه من ان ما شفت بلوقر تكلمت عن هالمنتج ،، ريحته وااايد واايد حلوو ريحة بيبي ،، صرت ما استنغني عنه أحبه كترطيب ،، اعطيه 10/10 وبرجع اشتري منه
Ω•Ω•Ω•Ω•Ω•Ω•Ω•Ω•
منتج رقم (8)
دراي شامبو من بوتس ،، مخلص عني ويا ريت عندي واحد احتياط ^_^ ريحته حلو وانصح كل بنت يكون عندها دراي شامبو خاصه اللي شعرها يدهن بسرعه .. برجع اشتريه واعطيه 10/10
Ω•Ω•Ω•Ω•Ω•Ω•Ω•Ω•
منتج رقم (9)
مضمضة من listerine بالمسواك ،، عجبني ينعش الحلق ،، برجع اشتريه واعطيه 10/10
Ω•Ω•Ω•Ω•Ω•Ω•Ω•Ω•
منتج رقم (10)
الحب الابدي ،، كريم جونسن من الكريمات اللي ما استنغني عنه ولازم يكون عندي لان من الاساسيات بالنسبة لي ،، يرطب البشرة ،، يخلي بشرتج بشرة ناعمة .. برجع اشتريه وأعطية 10/10
Ω•Ω•Ω•Ω•Ω•Ω•Ω•Ω•
منتج رقم (11)
زيت اللوز الحلو من الزيوت المهمه اللي لازم يكون عندي باختلاف الشركات بس يضل من الزيوت اللي ما استنغني عنه اعطيه 10/10 لمشاهدة فوائد الزيوت (هنـــآآ )
Ω•Ω•Ω•Ω•Ω•Ω•Ω•Ω•
منتج رقم (12)
هالكريم استخدمته للاندر رام ك مزيل ،، عجبني فتحلي المنطقة بنسبه بسيطة اذا حصلته برجع اشتريه اعطيه 9/10 ،، المنتج تقريبا تايلندي اذا ما خاب ضني ..
Ω•Ω•Ω•Ω•Ω•Ω•Ω•Ω•
منتج رقم (13)
زيت عطري بـ بلو مسك ،، ريحتته عجيييبة ويتم في الحجرة ،، اخذته من تايلند اعطية 10/10 وان شاء الله اذا حصلته برجع اخذه
Ω•Ω•Ω•Ω•Ω•Ω•Ω•Ω•
في الختام
لا تنسون ذكر الله
|| سبحان الله وبحمده ||
استودعتكم الله الذي لا تضيع ودائعه
فمان الله
0 التعليقات:
إرسال تعليق