مشترياتي من مدام كوكو بأذربيجان

السلام عليكم ورحمة الله وبركاته

يسعد الله أوقاتكم بكل خير وبركة وطاعة الله تعالى

|| اللهم صل وسلم على رسول الله ||

@@ بسم الله الذي لا يضر مع أسمه شي في الأرض ولا في السماء وهو السميع العليم @@

@ اللهم لك الحمد والشكر على جميع نعمك التي لا تعد ولا تحصى @

هلا وغلاا بكل المتابعات

مدري ليش طرى على بالي هالتدوينة تدوينة المشتريات لان عن جد من زمان عن هالليبل 

وقلت خليني أصور وأكتب لكم تجربتي مع مشترياتي من مدام كوكو ،، وقصتي في الأستكشاف هالمحل في أذربيجان ..

مدام كوكو ،، هالمحل كنا نخطف صوبه رايحين ورادين صوبه ولا حد فكر أنه يدخله .. لان من برع يبين أن المحل للمفروشات والشغلات المنزليه بس في داخله أشياء وكان يستحق منا ان نستكشفه ...

من استكشفت المحل ما بغيت أطلع منه لوووول لاني وايد أحب هالشغلات وخاصه الاستكشاف ^_* ،، وكل روحاتي وطلعاتي لازم أدخل واستكشف شو عندهم لين ما جمعت لي حصليه من المشتريات وبعرضه لكم في هالتدوينة ،،

المحل محل تركي وشغلاته متنوعه في للبيت وفي للبودي وفي للمطبخ ،، 

والحينه بخليكم مع مشترياتي واللي جربته بخبركم عن تجربتي هنــآآ أو في الانستـــآآ ..

اخذت من عندهم ديورنت بالصبار ،، يجي شكله صلب ،، هو حلوو ما بقول لكم انه ما حلو بس أنــآ وقفت تجربتي معاه في هالفتره وبرجع استخدمه مرة ثانية قريب .. وترى متوفر معاي في متجري الصغير ( هنـــآآ )

هالمقشر مقشر كريمي ،، حبيباته كبيرة شوي .. بس مب قاسية على البشرة .. واحلى شي في ان يترك البشرة ناعمه ورطبة

وكريم اليد بزيت الزيتون بعدني ما جربته ^_^

هالمجموعه عبارة عن كريم لليد وبودي سبري .. ريحته حلوة بس مشكلته مب ثابته بسرعه يطير

هالعطر بعدني ما جربته بس ريحته كانت حلوة ^_^

عطورات الجسم .. ريحتهم حلوة بس مب ثابته مووول بسرعه يطير والحينه موقفه أستخدامه عشان هالسبب ان الريحة مب ثابته ^_^

وهالفترة استكشفت ان بالاساس عطورات مدام كوكو مب ثابته طووووول يعني حرام نشتري عطر او شي لدقايق ويطير نفس معطرات الجسم .. ب أقل من هالمبلغ باخذ عطر سعره أحسن وافضل وثابت ...

وهذا هو حصيلتي من محل مدام كوكو ،، والحمدلله رب العالمين على كل النعم اللي انعمها علينا وعلى عباده الصالحين 

ونلتقي في تدوينة يديدة باذن الله تعالى 

وفي الختام

لا تنسون ذكر الله

|| سبحان الله وبحمده || 

استودعتكم الله الذي لا تضيع ودائعه

فمان الله