Happycloud

السلام عليكم ورحمة الله وبركاته

يسعد الله أوقاتكم بكل خير وبركة وطاعة الله تعالى

اليوم الجمعه .. قلوبنا مع اللي نحبهم مجتمعة

لا تنسون الصلاة على أشرف خلق الله محمدا عليه أفضل الصلاة وأزكى التسليم

" اللهم صل وسلم وبارك على نبينا وحبيبنا وشفيعنا محمدا عليه أفضل الصلاة وأزكى التسليم "

" بسم الله الذي لا يضر مع أسمع شي في الأرض ولا في السماء وهو السميع العليم "

يالسه أقلب ع اللاب توب واشوف المواضيع اللي مصورتنه للمدونة وحصلت هالصور لمشترياتي من

Lc & Koton بـ تركيا وما هان علي مصورتنه صور حلوة وما أنزله

" اللهم لك الحمد ولك الشكر على نعمك الذي لا تعد ولا تحصى "

عشان تشوفون مشترياتي الثانية من تركيا ضغطو على العنوان اللي تبغونه وبيوصلكم للموضوع

مشترياتي من محل gratis بـ تركيا

مشترياتي من T-Shop و watsons بـ تركيا

مشترياتي من جولدن روز ، كيكو ، فلومار بتركيا

وبسم الله نبدء

مشترياتي من كوتون

أخذت هالمناكير الاثنين الوانهم حلوة وجودتهم وايد حلو ينشفون بسرعه وندمت اني ما شحنت لي

معطر الجسم من بجربه بخبركم برايي عنه باذن الله تعالى

واخذت لي هالعطر والحينه يالسه اجربه ان شاء الله اصورة قبل ما يخلص وانساه واخبركم برايي عنه

وهالتصوير من الفون

اخذت هالبجامه .. نوعيته قطن وملمسه حلوه

ومشترياتي من Lc

اخذت هالمجموعه عبارة عن شاور جل وسبري للجسم

ريحته حلوة ومب مالوفه

هالصابون الجاف .. ريحته بعد حلو ...

وبجامتي الي اخذته من عنهم .. قماشه قطن وايد حلو .. وال سي معروف بنوعيه قماشاتهم يتمو فترة طوويله

" تصوير فون "

ختاما

" الحمدلله رب العالمين الذي رزقني كل هذا من غير حول مني ولا قوة "

" اللهم لك الحمد والشكر على نعمك الذي لا تعد ولا تحصى "

اشوفكم بـ تدوينات يديدة باذن الله تعالى

" سبحان الله وبحمده "

happycloudworld

0 Comments

السلام عليكم ورحمة الله وبركاته

يسعد الله أوقاتكم بكل خير وسعادة

" اللهم صل وسلم وبارك على نبينا وحبيبنا وشفيعنا محمدا عليه أفضل الصلاة وأزكى التسليم "

" بسم الله الذي لا يضر مع أسمع شي في الارض ولا في السماء وهو السميع العليم "

" اللهم لك الحمد ولك الشكر على كل نعمه انعمتها علينا وعلى عبادك الصالحين"

" الحمدلله رب العالمين الذي رزقني كل هذا من غير حول مني ولا قوة "

" الحمدلله "

وتدوينه يديدة من تدويناتي في المشتريات وهالمرة حبيت اخبركم عن مشترياتي من ايهيرب

هالمرة الثالثة اللي أطلب من موقع ايهيرب

المرة الاولى كان قبل سنتين تقريبا .. خلوني قبل افضفض بخصوص الشحن

بصراحة والصراحه يقال .. اول مرة وصلي الشحن كان وايد وايد مرتب ..

المرة الثانية كان نص نص ..

اما المرة الثالثة شو اقولكم عن الشحن .. يعني خسارة دافعه مبلغ وقدرة والشحن زيروو

واصلي منتجات كوارتينهم معفوسه ... منتجات غطا ف صوب والمنتج ف صوب .. الشيت ماسك معفوس

اللي متابعتني على السناب والانستا بتشوف كيف واصلي المنتجات لان بجد ما حبيت الشحن يعني اللي تفكر تتاجر

والمنتجات يوصلها بـ هالطريقة .. يعني انا مدري شو أقول مستحيل اسلم شي والكوراتين جي معفوسه بالمختصر

" الله يعين التاجرات " من بينهم أنــآآ لان احتمال اخسر مبلغ وقدرة ولا ارجع نص ارباحي اللي متوقعه اني اربحهم

الموهيم خلوني الحينه ارجع لمحور مدونتي اللي طول مشترياتي من ايهيرب ..

وقبل ما ابدا بطرح مدونتي بخلي لكم روابط ممكن يفيدكم ..

طريقة الطلب من ايهيرب

" هنــــــآآ "

مشترياتي الاولى من ايهيرب

" هنـــــآآآآ "

اللي عندها اي سوال بخصوص موقع ايهيرب وطريقة الشحن استقبل اسئلتكم بكل حب على الانستغرام وبعرضه قريب في مدونتي عشان الكل يستفيد من الموضوع

" هنــــــآآآآ "

.........

" 1"

طلبت هالمرة الشيت ماسك بـ خلاصه الارز اللي يساعد على ازالة الخلايا الميته ويترك البشرة ناعمة

هو عبارة عن 7 ماسكات جاهزة .. بس مشكلتهم انهم بنفس الكيس .. عشان كذا اذا طلبيته احتفظي بالسيروم الموجود وسكريه زين ما زين *_*

لطلب المنتج من " هنـــآآ "

**************

ماسك الشعر من Andalou naturals

من مميزات هالماسك

- يعمل على ترطيب بعمق ويفك التشابك

- ينعش الشعر ويخليه ناعم

هالماسك وفرته كم مرة ف متجري .. اللي تجربه لازم ترجع تاخذ منه

هالمرة يوم وفرت المنتجات خذيت احتياطي اني لازم انا بعد اجربه

لمشاهدة رايي زبونة ف الماسك " هنـــآآ "

لطلب المنتج من " هنــــآآ "

لطلب المنتج من متجري من " هنـــآآآ "

**************

بصراحه شفته جي وطلبته لين الحينه ما فحته ولا عارفه شو سالفته

هو عباره

مزيل مكياج من بجربه بخبركم عنه زيادة

لطلب المنتج من " هنــــآآ "

**************

هالمنتج عباره عن لاصقات للحبوب و شفت وحده من البلوقرز تمدحه عشان الحبوب ،،

فطلبته عشان اذا طلعت لي حبه فجاه

من مميزاته
- يعمل كغطاء واق
- لا يسبّب جفافًا للبشرة
- يمتص الشوائب والزيوت

لطلب المنتج من " هنــــآآ "

**************

ماسك الرجلين

ما استغني عنه ،، ما مخليه براند ما مجربتنه *_^

وهالمرة طلبت لي من ايهيرب عشان اجربه

من فوائده

يرطب وينعم الرجل عزكم الله

يحتوي على الشيا اللي يساعد على تجديد البشرة

والافوكاو اللي يساعد على نعومة البشرة

دوار الشمس اللي يعتبر مضاد للاكسدة ويساعد على الحماية

لطلب المنتج من " هنـــآآ "

**************

مقشر الويهه من كوين هيلين

كنت موفرتنه في المتجر واخر واحد اخذه اخوي وقمت اخذت شويه عشان اجربه واشوف شو اخباره

طلع المقشر وايد حلو حسيته قريب من مقشر سانت ايفرز

وكتبت عنه بوست في الانستا من " هنـــآآ "

من مميزات المقشر انه يساعد على تسكير المسامات ويزيل الشوائب

للطلب من ايهيرب من " هنـــآآ "

للطلب من متجري من " هنـــآآ "

**************

زيت اللوز الحلو من ناو .. من عرفته صرت ما استغني عنه

كان اول تجربه لشراء ونزلته في " هالتدوينه "

وكتبت لكم طريقة استخدامي لزيت اللوز الحلو في بوست فالانستا من " هنـــآآ "

لمشاهدة فوائد زيت اللوز الحلو من " هنـــآآ "

وزيت بذور العنب من استخدامات زيت بذور العنب للبشرة

- يرطب البشره
- يعالج حب الشباب - يفتح البشره ويغلق المسامات
- يقلل من ظهور الندوب على البشره
استخدامات زيت بذور العنب للشعر :
- يقلل من تساقط الشعر بشكل ملحوظ لانه يحتوي مضادات الأكسدة والبرومانثوسياندين
- يعمل زيت بذور العنب على ترطيب الشعر