شوية من تجاربي مع المنتجات

 

السلام عليكم ورحمة الله وبركاته

يسعد الله أوقاتكم بكل وخير وبركة وطاعة الله تعالى 

" اللهم صل وسلم وبارك على نبينا وحبيبنا وشفيعنا محمدا عليه أفضل الصلاة وأزكى التسليم "

ويـــآ هلـــآ ومرحبابكم مع تدوينة يديدة من تدويناتي ،،،

يـــآلسه أمســح الصور في اللاب تو وحصلت صور قديمه لمنتجـــآت أستخدمتهم ،،  وقلــت يالله فرصه أنزل لكم تدوينة لـــ ( شوية مــن تجـــاربي ) مــع منتجات العنايـــة وفي منتجــآت منزلة قبل عنه تدوينة وبحط روابط التدوينـــآت

وبسم الله نبدي ،،

شـــآور جــل من بــودي شــوب بريحة الورد ،، هذا الباكج القديم ،، الباكج اليديد مغيرين شكله بس نفس ريحته ،، أحب ريحة الورد فيه خفيفة وحلوه ويعطيج انوثة ،، 

هذا رابط تدوينة تجربتي كامله مع هالمجموعة ( أضغــطي هنـــآ ) 

**********

كـــريم جونســـن ،، وايد أحب هالكريم ... ما استغني عنه من يخلص من عندي لازم ارجع اخذ منه ،،

من أيام المراهقه أستخدمه وما زلت استخدمه ،، يعطي نعومة وايد حلوة للجسم ،، اذا ميزانيتج محدودة أنصحج تستخدمينه 

*********

مقشر Snail candy scrub هالمقشر التايلندي ،،، وايد حلو من جربته وعجبني أدمنته فترة ،، هو مقشر مع ماسك ،، صح أن طريقته كانت غربية بس حلو كــ أستخدام ،،

*********

مـــأي ورد الشهير ،، ماي ورد من Thayers ،،، صار عليه هبه في فترة من الفترات  ،،، اذكر ان انقطع من ايهيرب وصار ما يتوفر ،، كــان حلو اذكر اني هبيت عليه مع الهبه 

**********

هالملح يستخدم اذا تبون تسترخون أو تبون تسون بدكير ومنكير أخذته من ميني سو ريحته حلوه وخفيفة يميل لريحه البرتقال بس ما الريحة اللي يغث ،، الريحة اللي تبون تسترخون 

**********

ومقشر الاملاح بالورد بعد من ميني سو 

شوفو تدوينة مشترياتي لـ هالمنتجات ( أضغطي هنــــآ )

وايد وايد أحب هالمقشر ،، والحينه أدور عليه وما أحصله ،، أحب ريحته وأحب النعومة اللي يعطيه لجسمي ،، والترطيب اللي فيه ،، 

**********

الشيت ماسك من ميني سو 

حكايـــآ ثانية ،، أنـــآ وحده أمشي واشتري ماسكات للويهه ،، خاصه اذا دخلت ميني سو اخذ لي من كل نوع ،،، المهم دشو على هاش تاق #غيوم_شيت_ماسك في الانستا بتحصلون تجاربي مع الشيت ماسك ...

**********

كريم كاب ،، أحب أشترية واسوي لي خلطه كريمات وسبق خبرتكم بـ هالخلطه في هالتدوينة

( أضغطي هنــــآ )

فــي الختــــآم ،،،

(( الحمدلله الذي رزقني كل هذا من غير حول مني ولا قوة ))

لا تنسون والدي من دعواتكم الطيبة (( الله يرحمه ويغفرله )) 

اللهم اغفر لأبوي وارحمه، وعافه واعف عنه، وأكرم نزله، ووسع مدخله، واغسله بالماء والثلج والبرد، ونقه من الخطايا كما ينقى الثوب الأبيض من الدنس، وأبدله دارا خيرا من داره، وأهلا خيرا من أهله، وزوجا خيرا من زوجه، وأدخله الجنة، وأعذه من عذاب القبر، ومن عذاب النار وأرزقه الجنة بغير حساب يا رب العالمين 

ولا تنسوني من دعواتكم الطيبة

وضيفوني سناب دايما انزل مواضيع حلوة وخفيفة وشويه من يومياتي البسيطة

سبحان الله وبحمده

سبحان الله العظيم

فمان الله