16 منتج خلصته رايي وتقيمي للمنتجات

السلام عليكم ورحمة الله وبركاته

يسعد الله أوقاتكم بكل خير وسعادة 

" اللهم صل وسلم على نبينا محمد"

" بسم الله الذي لا يضر مع أسمه شي في الأرض ولا في السماء وهو السميع العليم"

المفروض هالتدوينه يندمج مع التدوينه السابقة لمنتجات خلصتها

بس التحديث الجديد للبلوق ما عاجبني وبصعوبه يتحمل الصور .. 

فـ عشان كذا قسمت هالتدوينه لتدوينتين

لمشاهدة التدوينات السابقة اللي يتعلق في المنتجات اللي خلصتهم 

15 منتج خلصته ،، رايي وتقييمي للمنتجات

منتجات خلصتهم ،، رايي عن المنتجات

29 منتج خلصته ،، هل برجع أشتريه أو لا ..؟؟

منتجات خلصته رايي وتقييمي || Products have been saved. My opinion and evaluation

تجاربي مع 13 منتج خلصته هل برجع أشترية أو لا

ريفييو لــ ( 16 منتج ) خلصته هل برجع أشتريه أو لا ،، رأيي وتقيمي للمنتجات

**********************

منتج رقم "1"

ومقشر الاملاح بالورد من ميني سو

المقشر واااايد وااايد حلو وفيه ورد مجفف داخله ينظف وفيه نسبه ترطيب فيه

وسبق وتكلمت عنه ف الانستا من " هنـــآآ "

واعطيه 10/10

**********************

منتج رقم "2"

شامبو عضوي من براند اورجنك شوب

الشامبو طبيعي مافي رغوة ولا ريحه تنظيفه لفروة الراس حلو

في عندهم أنواع ثانية للشامبوهات

أنــآ جربت هالشامبو بـ الشيا و الزنبق " نوع من الانواع الزهور 

اعطيه 8/10

تحصلونه في كارفور أنــآ ماخذتنه من محل لطافه 

**********************

منتج رقم "3"

ملح بالصبار

من الاملاح الحلوة اللي جربته وااايد حلوو وفيه نسبة ترطيب

أنـــآآ كنت استخدمه لتقشير يدي 

اعطيه 10/10

**********************

منتج رقم "4"

كريم الجسم من بودي شوب بـ زهرة الفراولة الياباني

ترطيبة حلو وريحته حلوة اعطيه 10/10

**********************

منتج رقم "5"

وماسك جل العيون اللي خبرتكم عنه قبل يومين تقريبا فـ الانستغرام لمشاهدة تجربتي ف الانستا من " هناا "

واايد عجبني هالماسك لترطيب تحت العيون 

وايد خفف من الهالات والخطوط اللي تحت عيوني .. 

هالماسك يحتوي على على فيتامين e لتقويه البشره الحساسه تحت العين .. 

واهم مكونات هالماسك انه يحتوي على السبيرولينا و اللولو

ومن المنتجات اللي برجع اوفره في متجري من ( هنــآآ )

**********************

منتج رقم "6"

من الزيوت اللي مستحيل استغني عنه لازم يكون معاي

زيت الجلسرين احب استخدمه يوم اسوي مقشرات منزليه ومع حمام زيت لجسمي

يعني شي من المفضلات اللي لازم يكون معاي

اعطيه 10/10

سبقت وتكلمت عنه في تدوينه ثانية لمنتجات خلصتها لمشاهدة التدوينه من " هنا "

لمشاهدة فوائد زيت الجلسرين تحصلونه في هالتدوينه من " هنـــآآ "

**********************

منتج رقم "7"

لازم لازم اكتب لكم تدوينه لفوائد الصبار واستخداماتي

لان في الفترة الاخيرة صار التوب معاي وما استغني عنه في كل شي سوى لشعري وبشرتي ولكل شي

طبعا اختلاف البراندات هذا براند كوري واعطيه 10/10

**********************

منتج رقم "8"

معطر الجسم من مكياجي بـ Wild Spirit 

ريحته حلوه وهاديه بس ماني متذكره ثباته كيف كان

اعطيه 9/10

**********************

منتج رقم "9"

وزيت جوز الهند سبق وتكلمت عنه في الانستا من " هنــآآ"

تجربتي مع زيت جوز الهند

هو حلو ما هو شين وما فيه ريحه .. 

ترطيبه حلو احب استخدمه بعد ما اغسل شعري عشان ما يجففه .. ويعطيه حيوية .. .

أعطيه 8/10

**********************

منتج رقم "10"

لصقات الانف بالصبار .. من مفضلاتي اللي مستحيل استغني عنه

يشيل كل الترسبات اللي حول الانف والرؤوس السودة والبيضة

كنت ماخذتنه من قبل كم سنة من محل اركوفا في تايلند لمشاهدة مشترياتي من هالمحل ف هالتدوينه

من " هنــآآآ " و وصيت اخوي وياب لي ما قصر .. وسبقت وتلكلمت عنه في تدوينه ثانية لمنتجات

خلصتها من "هنــآآ"

اعطية 10/10

**********************

منتج رقم "11"

ماي ورد من براند الكسال ..

حسيته جدا عادي .. في براندات ثانية واحلى منه اعطيه 7/10

**********************

منتج رقم "12"

زيت الخوخ .. كنت استخدمه لـ حمام زيت لجسمي لمشاهدة فوائد زيت الخوخ من " هنــآآ "

اعطيه 8/10

**********************

منتج رقم "13"

الصابون المغربي من حامل المسك

ربشتكم من كثر ما اخبركم عنه وايد حلو للاسف قطعوه ما صارو يبيعونه

لمشاهدة تدوينه تجربتي مع المجموعه المغربية من حامل المسك من " هنـــآآ "

اعطيه 10/10

**********************

منتج رقم "14"

وهل يخفي القمر ههههه 

والشي الثاني ومن المنتجات الضرورية اللي لازم يكون معاي زيت جوز الهند باختلاف البراندات

هالزيت من ناو زيت عضوي .. وايد حبيته فـ برجع اطلبه اعطيه 10/10

**********************

منتج رقم "15"

غسول يومي للمنطقة الحساسة من فيم وايد حلو من الغسولات اللي مستحيل استغني عنه

اعطيه 10/10 

**********************

منتج رقم "16"

عطر الجسم fresh gardenia من باث اند بودي وركس ،، اللوشن ريحته حلوة ،،

 وهالمجموعه مستوحي من الياسمين والخوخ والجريب فروت الوردي 

أحب معطرات باث اند بودي وركس لان ثابته حلو 

وسبق وتكلمت عن الكريم من نفس المجموعه تحصلونه في هالتدوينه من " هنــآآ "

أعطيه 9/10

وبكذا خلصت هالتدوينه 

والحمدلله رب العالمين

أشوفكم على خير في تدوينات يديدة باذن الله تعالى

فمان الله

" سبحان الله وبحمده "