منتجات خلصتهم ،، رايي عن المنتجات

اهلا وسهلا ومرحباا بمتابعاتي 

يسعد الله أوقاتكم بكل خير وبركة وطاعة الله تعالى

" بسم الله الذي لا يضر مع أسمه شي في الارض ولا في السماء وهو السميع العليم "

" اللهم صل وسلم وبارك على نبينا وحبيبنا وشفيعنا محمدا عليه أفضل الصلاة وأزكى التسليم "

تعودت في مثل هالتدوينات اني اجمع حصلية من المنتجات اللي اخلصهم عشان اصورهم مع بعض ،، بس هالمرة 

خلصت منتجات قليلة من المنتجات اللي متعودة اخلصهم .. قلت خليني اخلص تصوير عشان ما اجمع منتجات لاني هالفترة في فترة تنظيف عميق للحجرتي 

تقدرون توصلون لبعض من تدويناتي لمنتجات خلصتهم 

29 منتج خلصته ،، هل برجع أشتريه أو لا ..؟؟

منتجات خلصته رايي وتقييمي || Products have been saved. My opinion and evaluation

تجاربي مع 13 منتج خلصته هل برجع أشترية أو لا

ريفييو لــ ( 16 منتج ) خلصته هل برجع أشتريه أو لا ،، رأيي وتقيمي للمنتجات

يالله بسم الله نبدء مع أول منتج 

مقشر من سوب اند قلوري بالليمون والسكر ،، المقشر وايد وايد حبيته لدرجه اني قللت من استخدامه عشان ما اخلصه بسرعه

يترك البشرة ناعمه وطرية وخلوني اقولكم ان هذا ثاني مقشر احبه من سوب اند قلوري

(2)

كريم جونسن من الكريمات اللي مستحيل ومن سابع المستحيلات اني استغني عنه ،، لازم يكون معاي في كل وقت ومكان وزمان

أحب استخدمه بعد المقشرات والصابونية ولكل شي ^_*

(3)

من عطورات المصباح ليلي مسك ريحته وايد حلوة وثابته حلوو

(4)

عطر الما من بانافع للعطور او ما وصلي العطر كان هديه ريحته حلوه خفيفة ،، ومن روحت مكه مرة اخذت لي 

(5)

تذكرون خبرتكم عنه في السناب شات ريحته قريبة من ريحه عطر بربري ،،، اول عطر ما يتم معاي فترة طويلة هههه واخلصه قبل السنة من تاريخ الشراء ( الحمدلله)

(6)

ماسك الشعر من موموسو ،،، الماسك وايد حبيته خفف لي النفشه وعطى شعري حيوية فـ كنت احيانا استخدمه كـ بلسم لشعري 

(7)

لوشن fresh gardenia من باث اند بودي وركس ،، اللوشن ريحته حلوة ،، وهالمجموعه مستوحي من الياسمين والخوخ والجريب فروت الوردي 

(8)

عطر الجسم بلاك بيري من باث اند بودي وركس ،، ريحة هالعطر زهور على فواكة وايد حلو ريحته بس انا من النوعيه اللي احب اجدد سنويا من العطورات 

(9)

مخفف مظهر المسامات بشجرة الشاي ،، سبق وكتبت عنه تدوينة ،، من المنتجات الاساسية معاي ومستحيل استغني عنه ،، لان بالفعل خفف المسامات من ويهي  ،، لمشاهدة التدوينة من (هنـــآآ)

(10)

المسكرة الشفافة للحواجب من ايسنس ،،، أحب استخدمة يوم ارتب حواجبي وصار شي اساسي ومهم معاي 

(11)

ما حصلت صورة حلوة لـ جل الصبار ،، فحصلت صورة جماعية للمنتجات ،، جل الصبار والحزون صار من مفضلاتي في الفترة الاخيرة وصرت ما استغني عنه ... أحب استخدم جل الصبار قبل الحف وايد فرق معاي فـ الاستخدام 

وبكذا خلصت التدوينة

واتمنى انكم استفدتو مع تدويناتي 

فـ ختام التدوينة

لا تنسون ذكر الله

سبحان الله وبحمده

اشوفكم على خير 

غيمة سعيدة