السلام عليكم ورحمة الله وبركاته
يسعد الله أوقاتكم بكل خير وبركة
" اللهم صل وسلم على نبينا محمد"
" بسم الله الذي لا يضر مع أسمه شي في الأرض ولا في السماء وهو السميع العليم"
مثل هالتدوينة ذكرني بتدوينه من قبل كم سنة نزلته لكم ... ولمشاهدة التدوينة من "
هنـــآآ"
بسبب الاوضاع وربي يصرف عنا هذا الوباء والبلاء وربي يحفظ الجميع
صارلي فترة تقريبا فوق الشهرين ما طلعت في يوم من الايام اضطريت اني اطلع واشتريلي اغراض اللي ناقصني
" اللهم لك الحمد ولك الشكر على جميع نعمك الذي انعمته علينا وعلى عبادك الصالحين "
.
.
.
وقلت غايته اصورلكم المنتجات اللي احبه وما استغني عنه ولازم يكون معاي .. وبالمرة اكتب لكم تجاربي مع المنتجات ..
.
.
.
بسم الله نبدأ
انا وبراند اميتا ما اصدقاء .. مول ما احب منتجاتهم وما يناسبني منتجاتهم .. بس من شفت هالشيت ماسك قلت يالله بجربه
حلو حلو .. ما حلو ما حلو .. جربته وعجبني وبكتب لكم بوست ع الانستا لتجربتي معاه
..........
قطن .. عاد ما هان علي ما اصوره ،، ما عندي براند معين صرت احب اجرب كل مرة شركة ^_^
..........
الامواس شي مستحيل استغني عنهم ومافي بنت تستغني عنه في الفترة الاخيرة صرت استخدمه مع جل الصبار للحف سواء للمنطقة الحساسة او الجسم
مدري ليش هالتدوينه رجعت اشتري ثلاث ارباع المنتجات اللي كنت استخدمهم قبل كم سنة .. مثل هالغسول من غارينيه عبارة عن غسول ومقشر في نفس الوقت
الغسول فيه حبيبات مقشرة يناسب البشرة الدهنيه المعرضه للشوائب .. انا بين فترة وفترة احس نفس الشوائب ف ويهي فـ ارجع اسوي مقشر واعتني في ويهي اكثر
لين ما يرجع طبيعه ويهي .. من رجعت استخدم هالغسول بصراحة ما حسيت بـ هالشوائب احيانا اسبوع اوقف الماسكات بس بصراحه الشوائب ما حسيت انه رجعلي
بس كل 3 شهور احب اغير الغسول عشان بشرتي ما يتعود ع نوع واحد واحسه فيه حيوية
حمام زيت .. ف الشهر يكفيني مرة استخدمه هالنوعيه من زمان كنت استخدمه وقطعته وهالمرة يوم شفته يى في خاطري اني ارجع استخدمه
اذكر مرة كان معانا مناسبة وانا كنت مستخدمه هذا يوم رحت الصالون سالتني مسويه بروتين لشعرج قلت لها لا .. قالت لي ريحه شعرج نفس ريحة البروتين لووول
اول مرة ادري ريحته قريبة من ريحة البروتين اللي يسونه في الشعر ^_^
وجل الصبار من همالايا .. يعتبر مرطب حق الويهه والجسم .. عجبني انه شوي ثقيل ما نفس الجل اللي استخدمهم يكون خفيف
ومنو ما تحب تستخدم الحمام المغربي .. انا عن نفسي احب استخدمه اسبوعيا لي طريقة خاصه وشهريا لي طريقتي الخاصه .. مرة كتبت لكم طريقتي الاسبوعيه لاستخدام
الصابون المغربي من "
هنــآآ " واذا شاء الله تعالى اكتب لكم طريقتي الشهرية في استخدام الصابون المغربي بحول الله تعالى
وهالموضوع للصابون المغربي ومحتويات هالبوكس "
هنــآآ "
قناع الغسول المغربي .. من كم سنة جربته .. وهالمرة شفته واخذته بالفعل حلو ينظف الويهه ويشيل الترسبات وفوق هذا يعطيج نظاره من بعد الاستخدام
وزيت جونسن .. الزيوت من عادتي كل ما يخلص عندي زيت احب اغيره .. وهالمرة اخذت زيت بخاخ من جونسن .. وعلى فكرة احب اخلطه مع المسك وترطيبة حلو وتجربتي السريعه للزيت من "
هنــآآ "
والحب الثاني ههههه ،، كريم جونسن الوردي ومنو ما تحبه .. شي اساسي معاي ترطيبه حلو يعطي الجسم نعومة .. ومستحيل استغني عنه لو مهما يصير
وزيت جوز الهند .. وصار شي اساسي معاي للعنايه بالشعر .. احب اخلط معاه جل الصبار يعطي الشعر نعومه وحيوية .. ويقلل من التساقط
والمقشر اللي احبه ،، عاد وايد اشياء احبهم وما استغني عنهم ولازم يكون معاي في اي وقت وزمان .. مقشر سانت ايفرز .. احب استخدمه كمقشر للويهه والجسم
و للجسم احب استخدمه مع خلطات واحيانا بدون خلطات .. بالمختصر المقشر وايد حلو ..
شامبو هاند شودرن .. بصراحه والصراحة يقال .. هالشامبو وهالنوعيه بالضبط من انا تقريبا ف الثانويه استخدمه كنت وايد اعاني من القشرة في هالفترة
واستخدمت هالشامبو بالفعل راح عني القشرة وصرت ما استغني عنه ... وبعدين من هوس التجارب تميت اغير الشامبوهات وكل مرة اجرب شامبو .. ولين اخر مرة
اخذت شامبو من تركيا ومن خلص رجعت حق هالشامبو .. وشكلي ان شاء الله ما بغيره خلاص .. وعاد الله يعلم هل بغيره او لا مدري ..
والمقشر الجميل والحلو والرائع واللي ريحته حلوه بالنسبه لي ناشرل اسكن .. وايد احبه مع المقشر اللي استويه معاكم بين فترة وفترة وان شاء الله انزل لكم طريقة المقشر
اللي احبه وما استغني عنه
ختاما
" اللهم صل وسلم وبارك على نبينا محمد "
اشوفكم في تدوينات جديدة باذن الله تعالى
استودعتكم الله الذي لا تضيع ودائعه
![Pin It](http://pinterest.com/pin/create/button/?url=https://happycloudworld.blogspot.com/2020/06/how-to-make-scanner.html&media=https://blogger.googleusercontent.com/img/b/R29vZ2xl/AVvXsEjX-opTtKGG2Bhf2gbWz6m2fTqTGw7ennXrndHBclXfN_sfWdn7Vy7znUJ3ggKz8LgDKxWXTQXZsaV-jyxqKB4Nx_OhHM9bu4rDFXORtW1XiDqlLhoAszzU0Z5nn_gl3BdEZwj28E73xRI/s72-c-d/111.png&description=السلام عليكم ورحمة الله وبركاته يسعد الله أوقاتكم بكل خير وسعادة " اللهم صل وسلم على نبينا محمد" عالم الكمبيوتر ،، عالم واسع ومن ا...){kind=link}
![Pin It](http://pinterest.com/pin/create/button/?url=https://happycloudworld.blogspot.com/2020/06/blog-post.html&media=https://blogger.googleusercontent.com/img/b/R29vZ2xl/AVvXsEgraUOv2xI-B3_2WifpqkElgy4aQf67N255EO-Ed9Vl32bmuwSEwUUgi6cfu8w0CL3gFTbYTH3cWUw1AD9wUTJOj5btefhLR1v9CozSNc99ZwQHcjEWljdO_nyC_Gso1_hRnmlcNa9tElg/s72-c-d/%25D8%25A7%25D9%2584%25D9%2588%25D8%25A7%25D8%25AC%25D9%2587%25D9%2587.jpg&description=السلام عليكم ورحمة الله وبركاته يسعد الله أوقاتكم بكل خير وبركة " اللهم صل وسلم على نبينا محمد " " بسم الله الذي لا يضر مع ...){kind=link}
![Pin It](http://pinterest.com/pin/create/button/?url=https://happycloudworld.blogspot.com/2020/06/16.html&media=https://blogger.googleusercontent.com/img/b/R29vZ2xl/AVvXsEhQr_f6EbDpBCEDC8fGV9DdQ6aNNuzosJNuJThJ-Svg307Bik0NFo1C0vyIrXvV4XbVn6MDcnOFgxz-dUUitBtM6VM-KG7vRY1STF69_zuBYBRgS-8UuCqtkogO1v8kjE_KpZQIZA0t6v0/s72-c-d/%25D8%25A7%25D9%2584%25D9%2588%25D8%25A7%25D8%25AC%25D9%2587%25D9%2587.jpg&description=السلام عليكم ورحمة الله وبركاته يسعد الله أوقاتكم بكل خير وسعادة " اللهم صل وسلم على نبينا محمد " " بسم الله الذي لا يضر م...){kind=link}
![Pin It](http://pinterest.com/pin/create/button/?url=https://happycloudworld.blogspot.com/2020/06/15.html&media=https://blogger.googleusercontent.com/img/b/R29vZ2xl/AVvXsEi7ALrudPSUDzgu7eIuuQjzTbmQdYlafX5qYjRiASpHnU6Y3VMIfNTHqURxF7oSYHSWU8IDHC_xoIxVVHn0jdok5pQQuVXIMABpuI0FE-zMXtBq17z6qmvM3A4wrPoLhb14QtPXcg-Sk_U/s72-c-d/%25D8%25A7%25D9%2584%25D9%2588%25D8%25A7%25D8%25AC%25D9%2587%25D9%2587.jpg&description=السلام عليكم ورحمة الله وبركاته يسعد الله أوقاتكم بكل خير وسعادة " اللهم صل وسلم على نبينا محمد " تدوينة يديدة من التدوينات اللي ...){kind=link}